Aýa raıy: Úsh oblysta eskertý jarııalandy
ASTANA. QazAqparat - Qazaqstannyń úsh oblysynda aýa raıynyń qubylýyna baılanysty eskertý jarııalandy, dep habarlaıdy «Qazgıdromet» RMK.
17 qazanda kúndiz Qyzylorda oblysynda jańbyr kútiledi, keı jerlerde nóser jaýyn jaýýy múmkin; 18 qazan da jaýyn-shashyndy bolady, keı jerlerde nóser jańbyr jaýýy múmkin (jańbyrdyń sońy qarǵa ulasady). Jel batystan sekýndyna 15-20 metr jyldamdyqpen soǵady, ekpini 23 m/s-qa deıin jetedi. 18 qazanda kúndizgi aýa temperatýrasy 5-10 gradýs nólden joǵary, keı jerlerde 15 gradýsqa deıin jetedi.
18 qazan kúni táýlik boıy, 19 qazan kúni túnde Ońtústik Qazaqstan oblysynda jaýyn-shashyn kútiledi (jańbyr jaýyp, sońy qarǵa ulasady). 18 qazanda kúndiz, 19 qazan kúni túnde keı jerlerde nóser bolýy múmkin. 18 qazan kúni ońtústik-batystan jel sekýndyna 15-20 metr jyldamdyqpen soǵyp, keı jerlerde ekpini 23-28 m/s-qa deıin kúsheıedi. Aýa temperatýrasy 18 qazanda kúndiz 5-10 gradýsqa deıin kúrt tómendep, keı jerlerde 15 gradýs nólden joǵary bolady.
18 qazanda kúndiz, 19 qazan kúni túnde Jambyl oblysynda jańbyr kútiledi, keı jerlerde nóser jaýýy múmkin. 18 qazan táýlik boıy, 19 qazan túnde keı jerlerde jel ońtústik-batystan sekýndyna 15-20 metr jyldamdyqpen soǵady, ekpini 23-28 m/s-qa deıin jetedi. Al ońtústik-batysta jeldiń jyldamdyǵy 30 m/s-qa deıin jetýi múmkin. Kúndiz aýa temperatýrasy 10-15 gradýs nólden joǵary, keı jerlerde 7 gradýsqa deıin tómendeıdi. Daýyl soǵý múmkindigi - 90-95%.
