Aýa raıy: Taǵy eki oblysta eskertý jarııalandy
ASTANA. QazAqparat - Respýblıkanyń taǵy eki oblysynda aýa raıyna baılanysty eskertý jarııalandy, dep habarlaıdy QazAqparat.
«Qazgıdromet» RMK aqparaty boıynsha, 20-21 qyrkúıekte Qyzylorda oblysynyń keı jerlerinde kún kúrkirep, daýyl bolady. Batystan, ońtústik-batystan soqqan jeldiń jyldamdyǵy 15-20, ekpini 23-28 m/s-ke jetedi.
21 qyrkúıekte Qostanaı oblysynyń keı jerlerinde naızaǵaı oınap, tuman túsedi. Soltústik-batystan 15-20 m/s jyldamdyqta jel turady.
Budan buryn Astana, Aqmola jáne Soltústik Qazaqstan oblystarynda eskertý jarııalanǵan edi.
