AÝA RAIY: Soltústikte, shyǵysta jáne ortalyq óńirde qatqaq júrip, tuman túsedi
ASTANA. QazAqparat - Búgin Qazaqstannyń basym bóliginde jaýyn-shashynsyz aýa raıy kútiledi, tek batysta, soltústik-batysta atmosferalyq frontaldy bólikterdiń ótýine baılanysty keı jerlerinde jańbyr jaýady, naızaǵaı bolady. Soltústikte, shyǵysta jáne eldiń ortalyǵynda úsik kútiledi, tuman bolady. Keı jerlerinde jel kúsheıedi, ońtústikte jáne ońtústik-shyǵysta shańdy daýyl bolady.
Bul týraly QR ІІM TJK baspasóz qyzmeti habarlaıdy.
Jambyl, Ońtústik Qazaqstan oblystarynda, kúndiz Qyzylorda oblysynda jeldiń jyldamdyǵy 15-23 m/s-ǵa deıin kúsheıýi kútiledi, shańdy daýyl bolady.
Mańǵystaý, Atyraý oblystarynda, kúndiz Batys Qazaqstan, Qostanaı oblystarynyń keı jerlerinde jel 15-20 m/s-ǵa deıin kúsheıedi.
Soltústik Qazaqstan, Qaraǵandy, Shyǵys Qazaqstan oblystarynyń túnde jáne tańerteń keı jerlerinde tuman kútiledi.
Batys Qazaqstan, Atyraý, Aqtóbe, Qyzylorda, Ońtústik Qazaqstan, Almaty oblystarynda, Qaraǵandy, Jambyl oblystarynyń basym bóliginde, Shyǵys Qazaqstan, Qostanaı oblystarynyń keı jerlerinde óte joǵary órt qaýpi saqtalady.
