AÝA RAIY: Soltústik oblystarda -3 gradýsqa deıin qatqaq júredi
ASTANA. QazAqparat - Búgin Qazaqstan terrıtorııasynyń basym bóligi joǵarǵy qysym áserinde bolatyndyqtan aýa raıy jaýyn-shashynsyz bolady. Tek Respýblıkanyń batysynda atmosferalyq frontaldy bólikterdiń ótýine baılanysty keı jerlerde jańbyr jaýyp, naızaǵaı saqtalady. Keı jerlerde shańdy burqasyn soǵyp, jel soǵady, ońtústik-batysta burshaq jaýýy múmkin.
Jambyl, Ońtústik Qazaqstan, Qyzylorda oblystarynyń keı jerlerinde jel 15-23 m/s-ǵa deıin kúsheıedi, shańdy burqasyn bolady.
Batys Qazaqstan, Aqtobe oblystarynyń keı jerlerinde jel 15-20 m/s-ǵa deıin kúsheıedi.
Pavlodar oblysynyń keı jerlerinde tuman, jeldiń 15-20 m/s-ǵa deıin kúsheıýi kútiledi. Mańǵystaý oblysynyń keı jerlerinde túnde burshaq jaýýy múmkin.
Túnde Shyǵys Qazaqstan, Pavlodar oblystarynyń keı jerlerinde 3 gradýsqa deıin úsik saqtalady.
