Aýa raıy: Soltústik Qazaqstanda boran soǵady
PETROPAVL. QazAqparat - Soltústik Qazaqstan oblysynda 28 jeltoqsanda daýyldy eskertý jarııalandy, dep habarlaıdy QazAqparat tilshisi.
Soltústik Qazaqstanda aıaz álsirep, kún boraıdy. Qazgıdromettiń málimetinshe, juma kúni kúndiz aımaqtyń keı jerlerinde burqasyn bolyp, ońtústik-shyǵystan 15-20 m/s jyldamdyqpen jel soǵady, keı jerlerde jel ekpini 25 m/s deıin jetýi yqtımal.
«Osyǵan baılanysty oblystyq Tótenshe jaǵdaılar departamenti eskertý jarııalap, óńirde turǵyndar arasynda tótenshe jaǵdaılardy boldyrmaý maqsatynda tıisti sharalar qabyldaýdy keńes etedi», - delingen vedomstvonyń habarlamasynda.
