Aýa raıy: Sınoptıkter qazannyń 6-sy kúngi aýa raıy boljamyn jarııa etti
NUR-SULTAN. QazAqparat – Qazannyń 6-sy kúni Qazaqstannyń basym bóligine antıtsıklonnyń yqpal etýine baılanysty kún jaýyn-shashynsyz bolady, dep habarlaıdy QazAqparat «Qazgıdromet» RMK-ne silteme jasap.
Kásiporyn taratqan málimetterge qaraǵanda, elimizdiń tek ońtústik óńirinde ǵana, onyń ózinde taýly aımaqtarda atmosferalyq frontaldy bólikterdiń ótýine baılanysty ótkinshi jaýyn jaýady. Keı jerlerge tuman túsip, jeldiń jyldamdyǵy sekýndyna 15-20 metrge jetedi.
Túnde Jambyl, kúndiz Atyraý oblystarynda jel kúsheıip, jyldamdyǵy sekýndyna 15-20 metrge jetedi.
Almaty oblysynyń Jalańashkól aýdanynda da jel kúsheıedi.
Jambyl, Batys Qazaqstan, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynda tuman túsýi yqtımal.
Qyzylorda oblysynda túnde jerdiń betki qabatynda 1-3 gradýs úsik júredi.
Túrkistan jáne Qyzylorda oblysynyń shyǵys bóliginde, Jambyl oblysynyń soltústik-batysynda, Qaraǵandy oblysynyń soltústik-shyǵysynda, Batys Qazaqstan oblysynyń ońtústiginde, Shyǵys Qazaqstan oblysynyń soltúsik-shyǵysynda órt qaýipi saqtalady.
