AÝA RAIY: Senbide qatty jel soǵyp, keı jerlerde jańbyr jaýady
ASTANA. QazAqparat - 11 tamyzda atmosferalyq aǵyndardyń ótýine baılanysty Qazaqstannyń basym bóliginde qubylmaly aýa raıy kútiledi, dep habarlaıdy Qazgıdromet.
Elimizdiń keı jerleri jaýyn-shashyndy bolyp, soltústiktiń jekelegen aýdandarynda naızaǵaıly nóser jaýady, daýyl jáne ekpindi jel soǵady. Soltústikte túnde jáne tańerteń keı jerlerde tuman túsedi, ońtústiktiń keı jerlerinde shańdy daýyl soǵýy yqtımal.
Soltústik Qazaqstan oblysynyń keı jerlerinde daýyl kútiledi, jeldiń jyldamdyǵy túnde keı jerlerde sekýndyna 15-20 metrge jetedi, kúndiz 15-20, ekpini 25 m/s deıin kúsheıedi, túnde jáne tańerteń tuman bolyp, kúndiz burshaq jaýýy múmkin.
Túrkistan oblysynyń keı jerlerinde qatty jel soǵyp, shańdy daýyl kútiledi, jel túnde keı jerlerde 15-20 m/s, kúndiz 15-20, ekpini 25 m/s deıin kúsheıedi.
Aqmola, Qaraǵandy, Pavlodar oblystarynyń keı jerlerinde daýyl kútiledi, jel 15-25 m/s kúsheıedi, burshaq jaýýy múmkin.
Qostanaı oblysynyń keı jerlerinde jel 15-25 m/s kúsheıedi, Aqtóbe oblysynda, kúndiz Batys Qazaqstan, Shyǵys Qazaqstan oblystarynda jel 15-20 m/s kúsheıedi.
Almaty oblysynyń keı jerlerinde kúndiz jeldiń jyldamdyǵy 17-22 m/s jetip, shańdy daýyl turady.
Jambyl oblysynyń keı jerlerinde kúndiz burshaq jaýady, jel 15-20 m/s kúsheıedi.
Qyzylorda oblysynyń keı jerlerinde túnde jáne tańerteń daýyl kútiledi, tańerteń jáne kúndiz jel 15-20 m/s kúsheıedi.
Almaty oblysynda, Shyǵys Qazaqstan oblysynyń keı jerlerinde qatty ystyq bolady.
Qyzylorda, Túrkistan, Jambyl oblystarynda, Almaty, Aqtóbe, Atyraý, Mańǵystaý, Qostanaı, Qaraǵandy oblystarynyń keı jerlerinde joǵary órt qaýipi saqtalady.
