Aýa raıy: Senbi kúni elimizdiń basym bóliginde aıaz bolady
ASTANA. QazAqparat - Jeltoqsannyń 1-i kúni Qazaqstannyń basym bóligi antıtsıklonnyń yqpalynda bolady. Osyǵan qaraı eldiń basym bóliginde aıaz bolady, dep habarlaıdy «Qazgıdromet» RMK.
Kásiporyn taratqan málimetterge qaraǵanda, tek respýblıkanyń soltústik-batys, soltústik jáne ońtústik-shyǵysynda ǵana atomosferalyq frontaldy bólikterdiń ótýine baılanysty qar jaýady, keı jerlerge qalyń qar túsip, jel, jaıaý burqasyn bolýy yqtımal. Sondaı-aq tuman túsip, kóktaıǵaq bolady.
Jambyl oblysynyń birqatar aýmaqtarynda jel sekýndyna 15-20 metr jyldamdyqpen uıtqyp, túnde ekpini 23 m/s-qa jetedi. Keı jerlerge tuman túsedi, kóktaıǵaq, jaıaý burqasyn bolady.
Shyǵys Qazaqstan oblysynda jeldiń jyldamdyǵy sekýndyna 15-20 metr, ekpini 25 m/s bolady, keı jerlerde jaıaý burqasyn bolady degen boljam bar.
Almaty oblysynyń keı jerlerinde jeldiń jyldamdyǵy 17-22 m/s bolady. Keı jerlerge tuman túsedi, kóktaıǵaq, jaıaý burqasyn bolady.
Túrkistan, tańerteń jáne kúndiz Aqmola oblysynyń birqatar aımaqtarynda jeldiń jyldamdyǵy 15-20 m/s-ke jetedi. Tuman túsip, jaıaý burqasyn bolýy yqtımal.
Qostanaı oblysynyń keı jerlerinde jel 15-20 m/s jyldamdyqpen soǵady, tuman túsedi, jaıaý burqasyn bolady.
Soltústik Qazaqstan, Qaraǵandy oblystarynyń keı jerlerinde jel 15-20 m/s jyldamdyqpen uıtqıdy, jaıaý burqasyn bolady.
Mańǵystaý, kúndiz Atyraý oblystarynyń keı jerlerinde jeldiń jyldamdyǵy 15-20 m/s-qa jetedi.
Qyzylorda, Batys Qazaqstan oblystarynyń keı jerlerinde tuman kútiledi.
