Aýa raıy: Sársenbide elimizdiń kóp bóliginde jel kúsheıip, jańbyr jaýady
ASTANA. QazAqparat - 30 tamyzda atmosferalyq aǵyndardyń ótýine baılanysty respýblıkanyń basym bóliginde kún kúrkirep, jańbyr jaýady jáne ekpindi jel turady, ortalyqta jáne shyǵysta burshaq jaýýy múmkin, ońtústikte shańdy daýyl kútiledi. Soltústikte, ortalyqta keı jerlerde tuman kútiledi. Qazaqstannyń batys jáne ońtústiginde ádettegideıkún raıy ashyq, dep habarlaıdy Qazgıdromet.
Aqmola, Pavlodar oblystarynyń keı jerlerinde túnde jáne tańerteń tuman kútiledi.
Soltústik Qazaqstan oblysynda túnde keı jerlerde tuman, kúndiz keı jerlerde daýyl soǵady, jel sekýndyna 15-20 metrge jetip, 25 m/s deıin údeıdi, burshaq jaýýy múmkin.
Shyǵys Qazaqstan oblysynda, túnde Qaraǵandy oblystarynyń keı jerlerinde jel 15-20 m/s kúsheıedi, burshaq jaýýy múmkin, túnde Qaraǵandy oblysynyń keı jerlerinde tuman kútiledi.
Qostanaı, Almaty, Qyzylorda, kúndiz Túrkistan, Jambyl oblystarynyń keı jerlerinde jel 15-22 m/s kúsheıip, Qyzylorda oblysynda shańdy daýyl soǵady.
Qyzylorda, Túrkistan, Jambyl oblystarynda, Aqtóbe, Atyraý, Mańǵystaý, Qaraǵandy oblystarynyń keı jerlerinde joǵary órt qaýpi saqtalady.
