Aýa raıy: Sársenbi kúni elimizde tuman túsip, jel kúsheıedi
NUR-SULTAN. QazAqparat – Sársenbi kúni elimizdiń keı jerlerinde tuman túsip, burqasyn soǵady, jel kúsheıedi, dep habarlaıdy QazAqparat
«25 jeltoqsanda Qazaqstannyń basym bóliginde Atlant muhıtynan kelgen antıtsıklon áser etedi, jaýyn-shashyn toqtalýy múmkin. Tek elimizdiń soltústik jáne shyǵys bóligi áli de frontaldy aǵyn yqpalynda bolǵandyqtan qar jaýýy yqtımal. Elimizdiń keı jerlerinde tuman túsip, burqasyn soǵady, jel kúsheıedi», delingen habarlamada.
Aqmola, Pavlodar oblystarynyń keı jerlerińde burqasyn kútiledi, jel kúsheıip 15-20, ekpini 25 m/s jetedi.
Shyǵys Qazaqstan, Soltústik Qazaqstan oblystarynyń keı jerlerinde tuman, burqasyn kútiledi, jel 15-20 m/s kúsheıedi.
Qostanaı, Atyraý, Aqtóbe, túnde Túrkistan oblystarynyń keı jerlerinde jel 15-20 m/s kúsheıedi.
Jambyl, Qyzylorda, Batys Qazaqstan, túnde Almaty oblystarynyń keı jerlerinde tuman túsýi múmkin.
Mańǵystaý oblysynyń keı jerlerinde jel kúsheıip, jyldamdyǵy sekýndyna 15-20 m/s jetedi, shańdy daýylǵa ulasýy yqtımal.
Qaraǵandy oblysynyń keı jerlerinde jaıaý burqasyn kútiledi.
Mańǵystaý oblysynda shańdy daýyl soǵady.
Kúndiz Almaty oblysynyń Jalańashkól aýdanynda jel 15-20 m/s kúsheıedi.
