Aýa raıy: Respýblıkanyń basym aımaǵynda tuman túsip, kóktaıǵaq bolady
ASTANA. QazAqparat - Búgin atmosferalyq aǵyndardyń ótýine baılanysty Qazaqstannyń basym bóliginde aýa raıy qubylmaly bolady, dep habarlaıdy QazAqparat «Qazgıdromet» RMK-nyń málimetterine silteme jasap.
Kásiporyn málimetterine qaraǵanda, elimizdiń kópshilik aımaqtarynda jaýyn-shashyn bolyp, tek ońtústikte, ońtústik-shyǵysta jáne elimizdiń batysyndaǵana jaýyn bolmaıdy.
Keı jerlerde ekpindi jel soǵyp, tuman, kóktaıǵaq, soltústik-shyǵysta jaıaý burqasyn bolady.
Aqmola, Soltústik Qazaqstan, Pavlodar oblystarynyń keı jerlerinde tuman túsip, kóktaıǵaq bolyp, keı jerlerde túnde jeldiń jyldamdyǵy sekýndyna 15-20 metrge deıin kúsheıedi.
Qostanaı, Qaraǵandy, Shyǵys Qazaqstan oblystarynyń keı jerlerinde tuman túsip, kóktaıǵaq bolady.
Qostanaı, Shyǵys Qazaqstan oblystarynyń keı jerlerinde jel 15-20 m/s deıin kúsheıip, Qostanaı oblysynda jaıaý burqasyn bolýy yqtımal.
Túrkistan oblysynyń keı jerlerinde kúndiz jel 15-20 m/s-qa deıin kúsheıedi.
Jambyl, Mańǵystaý, Batys Qazaqstan oblystarynda, túnde Atyraý, Almaty oblystarynyń keı jerlerinde tuman bolady.
Almaty oblysynyń Jalańashkól aýdanynda kúndiz jel 15-20 m/s jyldamdyqpen uıtqıdy.
