Aýa raıy: Qostanaı oblysynda joldar jabyldy
Qostanaı oblysynyń TJD Tótenshe jaǵdaılardy eskertý bóliminiń málimetinshe, osy aptada óńirde qatty aıaz bolyp, burqasyn soǵady. Búgingi aqparat boıynsha oblystyq mańyzǵa ıe «Qoıbaǵar-Qarasý» jáne «Sevastopol-B.Chýrakovka» baǵytyndaǵy tasjol jabyldy. Sondaı-aq respýblıkalyq mańyzy bar «Mamlıýtka-Qostanaı», «Ekaterınbýrg-Almaty» tasjoldarynyń qozǵalysy ýaqytsha shekteldi.
«Qutqarýshylar aýa raıynyń nasharlaýy týraly eskertedi. Azamattarǵa meteorologııalyq málimetterdi «Dármen» qosymshasy arqyly qadaǵalaýǵa, aýa raıynyń nasharlaýyna baılanysty avtojoldardaǵy qozǵalysty shekteýge shaqyrdy. Sonymen qatar burqasyn kezinde eldi mekenderden tys jerlerge shyqpaýdy usynady. «Qazgıdromet» RMK fılıalynyń derekteri boıynsha 2021 jyldyń qańtar aıynyń ekinshi onkúndiginde aýa temperatýrasy -36 gradýsqa deıin tómendeıdi dep kútilýde. Eger siz tótenshe jaǵdaıǵa tap bolsańyz, qutqarý qyzmetine elimizdiń barlyq óńirlerinde qol jetimdi «112» telefonyna qońyraý shalyńyz», delingen Tótenshe jaǵdaılar departamentiniń baspasóz habarlamasynda.
