Aýa raıy: Qostanaı oblysynda respýblıkalyq joldar ýaqytsha jabyldy

QOSTANAI.QazAqparat – Qostanaı oblysynyń soltústik aýdandaryndaǵy qatty aıaz túsip, burqasyn kóterilgendikten búgin respýblıkalyq mańyzy bar tasjoldaǵy kólik qozǵalysyna shekteý qoıyldy, dep habarlaıdy.

Búgin saǵat 21:30-dan bastap respýblıkalyq «Mamlıýtka-Qostanaı» A-21, «Ekaterınbýrg-Almaty» tas joly ýchaskesinde, Soltústik Qazaqstan oblysynyń shekarasynan Uzynkól kentine deıin qozǵalys ýaqytsha jabyldy.

Departament mamandary aýa raıynyń kúrt ózgerýine baılanysty oblys turǵyndaryn alys jolǵa shyqpaýǵa shaqyrady.

«Azamattarǵa meteorologııalyq málimetterdi «Dármen» qosymshasy arqyly qadaǵalaýǵa, aýa raıynyń nasharlaýyna baılanysty avtojoldardaǵy qozǵalysty shekteýge shaqyrady. Sonymen qatar burqasyn kezinde eldi mekenderden tys jerlerge shyqpaýdy usynady. «Qazgıdromet» RMK fılıalynyń derekteri boıynsha, 2021 jyldyń qańtar aıynyń ekinshi onkúndiginde aýa temperatýrasy -38 gradýsqa deıin tómendeıdi dep kútilýde. Eger siz tótenshe jaǵdaıǵa tap bolsańyz, qutqarý qyzmetine elimizdiń barlyq óńirlerinde qol jetimdi «112» telefonyna qońyraý shalyńyz», delingen baspasóz habarlamasynda.