Aýa raıy koronavırýstyń taralýyna áser ete me - epıdemıolog
ALMATY. QazAqparat – Almatyda Sanıtarlyq epıdemıologııalyq baqylaý departamenti basshysynyń orynbasary Ásel Qalyqova aýa raıynyń koronavırýs ınfektsııasynyń taralýyna qalaı yqpal etkenin aıtty, dep habarlaıdy QazAqparat tilshisi.
Onyń sózine qaraǵanda, aýar raıynyń jylynýyna baılanysty adamdardyń arasynda áleýmettik qarym qatynas jaqsarady.
Jurttyń kópshiligi, ásirese jastar kóshede birin-biri kezdestirse qol berip, bet súıisip amandasady.
«Osyǵan baılanysty aýa-tamshyly jolymen juqtyrý arta túsedi», - dedi Ásel Qalyqova.
Onyń aıtýynsha, maska taǵý kóshede juqtyrý qaýpin tómendetedi.
Maman jaqyn arada qalanyń bas sanıtarlyq dárigeriniń qaýlysy shyǵatynyn málim etti.
Bul qujatta ınfektsııanyń taralýyna qarsy shekteý sharalary qabyldanbaq.
