Aýa raıy: Qazaqstannyń úsh óńirinde eskertý jarııalandy
NUR-SULTAN. QazAqparat – «Qazgıdromet» RMK Qazaqstannyń úsh óńirinde aýa raıyna baılanysty eskertý jarııalady, dep habarlaıdy QazAqparat.
29 qarashada Atyraý oblysynyń keı jerlerine tuman túsip, kóktaıǵaq bolady. Ońtústik-shyǵystan soqqan jeldiń ekpini 15-20 m/s-ke jetedi.
Osy kúni Atyraý qalasynda ońtústik-shyǵystan soqqan jel soǵyp, ekpini 15-20 m/s bolýy ytımal.
Eskertýdiń dóp kelý yqtımaldyǵy 85-90%.
29 qarashadan 1 jeltoqsanǵa deıin Qyzylorda oblysynyń keı jerlerine tuman túsedi. Soltústik-shyǵystan soqqan jeldiń baǵyty ońtústik-shyǵysqa aýysyp, úsh kún boıy jyldamdyǵy 15-20 m/s bolatyn jel soǵady.
Eskertýdiń dóp kelý yqtımaldyǵy 95-100%.
29 qarashada Mańǵystaý oblysynyń keı jerlerinde kóktaıǵaq bolyp, ońtústik-shyǵystan kúshi 15-20 m/s-ke jetetin jel esedi.
Osy kúni túnde Aqtaý qalasynda ońtústik-shyǵystan jel soǵyp, ekpini 18 m/s bolýy múmkin.
Eskertýdiń dóp kelý yqtımaldyǵy 90-95%.
