Aýa raıy: Qazaqstannyń taǵy tórt oblysynda eskertý jarııalandy
NUR-SULTAN. QazAqparat – «Qazgıdromet» RMK elimizdiń birqatar óńirlerinde aýa raıyna baılanysty eskertý jarııalady, dep habarlaıdy QazAqparat.
Nur-Sultan qalasynda 16 aqpanda tuman, kóktaıǵaq jáne burqasyn bolýy múmkin.
Al Aqmola oblysynda kúndiz qar jaýyp, keı jerlerde tuman, kóktaıǵaq, burqasyn bolady. Shyǵystan soǵatyn jel ońtústik-batysqa aýysady, kúndiz keı jerlerde jeldiń kúshi 15-20 m/s jetedi. Kókshetaý qalasynda kúndiz - kóktaıǵaq.
Bul kúni Soltústik Qazaqstan oblysynda keı jerlerde qar, tuman, kóktaıǵaq kútiledi. Petropavl qalasynda kúndiz qar jaýyp, kóktaıǵaq bolýy múmkin.
16 aqpanda túnde jáne tańerteń Túrkistan oblysynyń keı jerlerinde tuman túsip, kóktaıǵaq baıqalýy múmkin, batystan soltústik-shyǵysqa aýysatyn jeldiń kúshi 15-20 m/s deıin jetedi.
Sonymen birge, Qostanaı oblysynyń keı jerlerinde burqasyn, tuman, kóktaıǵaq bolýy yqtımal. Ońtústik-shyǵystan soǵatyn jel batysqa aýysyp, kúndiz keı jerlerde 15-20 m/s deıin kúsheıedi.
