AÝA RAIY: Qazaqstannyń eki oblysynda eskertý jarııalandy

ORAL. QazAqparat – Qazaqstannyń eki oblysynda jeldiń kúsheıetini jóninde eskertý jarııalandy, dep habarlaıdy QazAqparat tilshisi.

«Qazgıdromet» RMK BQO fılıalynyń málimeti boıynsha Batys Qazaqstan oblysynyń keı jerlerinde 7 qazan kúni ońtústik-shyǵystan soǵatyn jeldiń jyldamdyǵy sekýndyna 15-20 metrge jetedi.

Naızaǵaı oınap, tuman túsýi yqtımal.

Oral qalasynda erteń kúndiz jeldiń ekpini sekýndyna 18 metrge jetýi múmkin.

Sol sekildi Mańǵystaý oblysynyń keı jerlerinde shańdy daýyl kóterilip, ońtústik-shyǵystan soǵatyn jeldiń jyldamdyǵy sekýndyna 15-20 metrge jetedi.

Aqtaý qalasynda jeldiń ekpini – 18 m/s.

Osyǵan baılanysty oblystyq TJ departamentteri turǵyndar arasynda tótenshe jaǵdaılardy boldyrmaý maqsatynda tıisti sharalar alynyp jatqandyǵyn habarlady.