Aýa raıy: Qazaqstannyń birneshe oblysynda eskertý jarııalandy
NUR-SULTAN. QazAqparat – 2 mamyr kúnine aýa raıynyń kúrt qubylýyna baılanysty Qazaqstannyń birneshe oblysynda eskertý jarııalandy, dep habarlaıdy «Qazgıdromet» RMK.
2 mamyrda Túrkistan oblysynyń keı jerlerinde kúndiz nóser jańbyr jaýady. Keı jerlerinde naızaǵaı oınap, daýyl soǵady. Ońtústik-batystan soltústik-batysqa aýysatyn jeldiń kúshi keı jerlerde 15-20 m/s-ǵa jetedi.
Shymkent qalasynda kúndiz nóser jańbyr jaýyp, naızaǵaı oınaıdy, daýyl turady. Jel ońtústik-batystan soltústik-batysqa aýysa soǵady, ekpini — 15-20 m/s.
Túrkistan qalasynda tańerteń jáne kúndiz naızaǵaı oınap, daýyl turady dep boljanyp otyr. Jel ońtústik-batystan soltústik-batysqa aýysady, naızaǵaı kezinde ekpini 15-20 m/s bolady.
Kúndiz, 2 mamyrda, Soltústik Qazaqstan oblysynyń keı jerlerinde naızaǵaı oınaıdy. Ońtústik-batystan jel soǵady, kúndiz ekpini 15-20 m/s bolady.
Petropavl qalasynda kúndiz ońtústik-batystan jel soǵady, ekpini 15-20 m/s bolady.
Tańerteń jáne kúndiz Qostanaı oblysynyń keı jerlerinde naızaǵaı, tuman kútiledi. Ońtústik-batystan jel soǵady, kúshi kúndiz keı jerlerinde 15-20 m/s bolmaq.
Qostanaı qalasynda kúndiz ońtústik-batystan jel soǵady, ekpini 15-20 m/s.
Aqmola oblysynda kúndiz keı jerlerde naızaǵaı oınaıdy. Ońtústik-batystan jel soǵady, keı jerlerde kúshi 15-20 m/s.
Kókshetaý qalasynda kúndiz naızaǵaı oınaýy yqtımal.
Qyzylorda oblysynda kúndiz keı jerlerde naızaǵaı kútiledi. Soltústik-shyǵystan, shyǵystan jel soǵady, kúshi keı jerlerde 15-20 m/s saqtalady.
Daýyldy eskertýdiń yqtımaldylyǵy — 85-100 %.
