Aýa raıy: Qazaqstannyń bes óńirinde jarııalanǵan eskertý uzartyldy
ASTANA. QazAqparat - «Qazgıdromet» RMK Qazaqstannyń birneshe óńirinde eskertý jarııalady, dep habarlaıdy «QazAqparat» HAA. Osylaısha, 5-6 sáýirde Aqmola jáne Soltústik Qazaqstan oblystaryndaǵy ózenderde aýa temperatýrasynyń joǵarylaýyna baılanysty qar erip, ózenderde sýdyń deńgeıi kóteriledi.
5-6 sáýirde Pavlodar oblysynda aýa temperatýrasynyń joǵarylaýy pen qardyń erýine, sondaı-aq Shúlbi sý qoımasyndaǵy jınalǵan sýdyń artýyna baılanysty ózenderde sý deńgeıi kóterilip, sý tasqyny bolýy múmkin.
Dál osyndaı jaǵdaı 5-6 sáýirde Qaraǵandy, Shyǵys Qazaqstan, 4-6 sáýirde Qostanaı oblystarynda baıqalyp otyr.
Keshe Qazaqstannyń bes oblysynda (3-4 sáýirge) eskertý jarııalanǵany habarlanǵan edi.
