Aýa raıy: Qazaqstannyń bes oblysynda eskertý jasaldy
ASTANA. QazAqparat - Qazaqstannyń bes oblysynda aýa raıyna baılanysty eskertý jasaldy, dep habarlaıdy «Qazgımdromet» RMK.
17-19 qańtar kúnderi aralyǵynda Almaty oblysynda kún jylynýyna baılanysty qar erip, ózenderde sý deńgeıiniń kóterilýi múmkin.
18-19 qańtarda Jambyl, Túrkistan oblysynyń ózenderinde jaýyn-shashyn (19 qańtarda - mol jaýyn) bolyp, aýa temperatýrasynyń joǵarylaýyna baılanysty sý deńgeıiniń kóterilýi yqtımal. Qyzylorda oblysyndaǵy Syrdarııa ózeninde muz erip, sý deńgeıi kóterilýi yqtımal.
17 qańtar kúni Mańǵystaý oblysynyń keı jerlerinde kóktaıǵaq bolyp, ońtústik-shyǵystan soǵatyn jel soltústik-batysqa aýysyp, ekpini 15-20 m/s deıin jetedi. Túnde jáne tańerteń keıbir jerlerde tuman bolady.
