Aýa raıy: Qazaqstannyń bes oblysynda eskertý jarııalandy
NUR-SULTAN. QazAqparat – Qazaqstannyń bes oblysynda aýa raıynyń kúrt qubylýyna baılanysty eskertý jarııalandy, dep habarlaıdy Qazgıdromet.
Nur-Sultan qalasynda 10 qarashada kóktaıǵaq, túnde jáne tańerteń jaıaý burqasyn, kúndiz tuman bolýy yqtımal. Ońtústik-shyǵystan soǵatyn jel soltústik shyǵysqa aýysady, túnde jáne tańerteń ekpini 15 m/s jetedi.
10 qarashada tańerteń jáne kúndiz Túrkistan oblysynyń keı jerlerinde ońtústik-shyǵystan soltústik-shyǵys baǵytyna aýysatyn jeldiń kúshi 15-20 m/s bolýy múmkin.
10-12 qarashada Qyzylorda oblysynda jel soltústik-batystan, soltústikten soltústik-shyǵysqa aýysyp soǵady, kúshi keı jerlerde 15-20 m/s kútiledi.
10 qarashada Qostanaı oblysynyń keı jerlerinde tuman túsip, kóktaıǵaq bolady. Túnde keı jerlerinde jaıaý burqasyn bolyp, soltústikten, soltústik-batystan jeldiń jyldamdyǵy 15-20 m/s jetedi.
Sondaı-aq 10 qarashada Shyǵys Qazaqstan oblysynda keı jerlerde qatty jaýyn-shashyn (kóbinese qar), burqasyn, tuman, kóktaıǵaq kútiledi. Ońtústik-shyǵystan coqqan jel soltústik-shyǵysqa aýysady, onyń kúshi keı jerlerde 15-20 m/s bolady.
