Aýa raıy: Qazaqstannyń basym bóliginde jel kúsheıedi
NUR-SULTAN. QazAqparat - Búgin, 16 mamyr kúni atmosferalyq aǵymdardyń ótýine baılanysty, respýblıkanyń keı jerlerine jaýyn jaýady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn málimetterine qaraǵanda, eldiń soltústiginde, soltústik-batysta, jáne ontústikte kún jaýyn-shashynsyz bolady. Respýblıkanyń keı jerlerinde jel kúsheıip, naızaǵaı oınap, tuman túsýi, burshaq jaýýy múmkin. Qazaqstannyń ońtústiginde shańdy daýyl, al batysynda daýyl kóteriledi.
Qyzylorda oblysynyń keı jerlerinde de shańdy daýyl kóterilip, jel 15-20 m/s jyldamdyqpen soǵady, ekpini 23-28 m/s bolady.
Batys Qazaqstan oblysynyń keı jerlerinde daýyl turyp, burshaq jaýýy múmkin, jeldiń jyldamdyǵy sekýndyna 15-20 metrge jetedi.
Almaty, Jambyl, Túrkistan, Aqtóbe, Qostanaı, Qaraǵandy, Shyǵys Qazaqstan oblystaranyń keı jerlerinde jel sekýndyna 15-20 metr jyldamdyqpen soǵady.
Qostanaı, Qaraǵandy, Shyǵys Qazaqstan oblystarynda tuman túsýi yqtımal.
Aqmola, Soltústik Qazaqstan, Pavlodar, Atyraý oblystarynyń keı jerlerinde túnde jáne tańerteń tuman túsedi.
Qyzylorda oblysynda óte joǵary órt qaýpi kútiledi.
