Aýa raıy: Qazaqstannyń basym bóliginde jaýyn jaýyp, jel kúsheıedi
ASTANA. QazAqparat - Atmosferalyq frontaldy bólikterdiń ótýine baılanysty shildede aýa raıy qubylmaly bolady.
Keı jerlerde jaýyn jaýyp, jel kúsheıip, tuman túsedi, burshaq jaýýy da yqtımal. Tek eldiń batysy men ońtústiginde ǵana kún ashyq bolady, dep habarlaıdy Qazgıdromet.
Jambyl, Qaraǵandy, Shyǵys Qazaqstan oblystarynda jel kúsheıip, burshaq jaýýy yqtımal. Jeldiń jyldamdyǵy sekýndyna 15-20 metrge jetedi, Qaraǵandy oblysynda túnde jáne tań ata tuman túsedi.
Pavlodar oblysynda jeldiń kúshi sekýndyna 15-20 metrge jetedi, tuman túsip, kúndiz burshaq jaýýy yqtımal.
Túrkistan oblysynda tań ata, Qyzylorda oblysynda kúndiz birqatar aımaqtarda jeldiń kúshi sekýndyna 15-20 metrge jetedi, shańdy daýyl kóterilýi de yqtımal.
Almaty, túnde jáne tań ata Aqmola oblystarynda jel kúsheıip, jyldamdyǵy sekýndyna 17-22 metrge jetedi. Aqmola oblysynyń eı jerlerine tuman túsedi.
Soltústik Qazaqstan oblysynda túnde jáne tań ata tuman túsedi.
Kúndiz Batys Qazaqstan, Mańǵystaý oblystarynda ystyq, keı jerlerdi óte qatty ystyq bolady. Atyraý oblysynda da aptap ystyq bolady. Aqtóbe oblysynda jáne Túrkistan, Qostanaı oblystarynyń keı jerlerinde de qatty ystyq bolady.
Mańǵystaý, Atyraý oblystary men Qyzylorda, Batys Qazaqstan, Aqtóbe, Túrkistan, Shyǵys Qazaqstan oblystarynda erekshe qatty ystyq bolady. Soǵan qaraı órt qaýpi týyndaıdy.
