Aýa raıy: Qazaqstannyń basym bóliginde jaýyn jaýady
NUR-SULTAN. QazAqparat – Búgin, respýblıkanyń basym bóligi tsıklonnyń jáne onymen baılanysty frontaldy bólikterdiń yqpalynda bolady. Sol sebepti aýa raıy jaýyn-shashyndy bolady, dep habarlaıdy «Qazgıdromet» RMK-sy.
Kásiporyn taratqan málimetterge qaraǵanda, respýblıkanyń keı jerlerinde jaýyn mol kólemde jaýady.
Elimizdiń birqatar aýmaqtarynda jel kusheıip, shańdy daýyl kóteriledi. Sondaı-aq keı jerlerde burshaq jaýyp, soltústik-batysta túnde keı jerlerge tuman túsýi yqtımal.
Aqmola, Pavlodar, Qostanaı oblystarynyń keı jerlerinde daýyl turyp, burshaq jaýýy múmkin. Túnde keı jerlerde jeldiń jyldamdyǵy sekýndyna 15-20, kúndiz 15-20 metrge jetip, ekpini 23-28 m/s bolady.
Qostanaı oblysynyń birqatar aýmaqtarynda túnde tuman túsedi.
Soltústik Qazaqstan oblysynda jeldiń jyldamdyǵy sekýndyna 15-20 metr, ekpini 23-28 m/s bolady. Keı jerlerde daýyl turyp, burshaq jaýýy múmkin.
Qaraǵandy oblysynyń keı jerlerinde daýyl turady degen boljam bar, burshaq jaýýy da múmkin, jel sekýndyna 15-20 metr jyldamdyqpen esedi, ekpini 25 m/s-qa jetedi.
Jambyl, Túrkistan, Qyzylorda, Atyraý, Batys Qazaqstan, Aqtóbe, Shyǵys Qazaqstan, kúndiz Almaty oblysynyń keı jerlerinde jeldiń jyldamdyǵy sekýnyna 15-23 metrge jetedi.
Túrkistan, Qyzylorda oblystarynda shańdy daýyl turyp, Shyǵys Qazaqstan oblysynyń keı jerlerinde burshaq jaýýy múmkin.
Kúndiz Almaty oblysynda kún qatty ysıdy.
Qyzylorda, Túrkistan, Jambyl, Qaraǵandy, Atyraý, Batys Qazaqstan oblystarynyń basym bóliginde, Aqtóbe oblysynyń keı jerlerinde, Qostanaı, Almaty oblystarynyń ońtústik-batysynda, Pavlodar oblysynyń soltústiginde óte joǵary órt qaýipi saqtalady.
