Aýa raıy: Qazaqstannyń basym bóliginde tuman túsip, kóktaıǵaq bolady
ASTANA. QazAqparat - Búgin Qazaqstannyń basym bóliginde aýa raıy qubylmaly bolady, dep habarlaıdy QazAqparat «Qazgıdromet» RMK-na silteme jasap.
RMK málimetterine qaraǵanda, respýblıkanyń basym bóliginde jaýyn jaýyp, tek eldiń ońtústigi men ońtústik-shyǵysynda ǵana aýa raıy jaýyn-shashynsyz bolady. Keı jerlerde jel kúsheıip, tuman túsedi, kóktaıǵaq, burqasyn bolady.
Aqmola oblysynyń keı jerlerinde tuman túsip, kóktaıǵaq bolady, jeldiń jyldamdyǵy sekýndyna 15-20 metrge, keı jerlerde ekpini 23-28 metrge deıin kúsheıedi.
Soltústik Qazaqstan oblysynyń keı jerlerinde tuman túsip, kóktaıǵaq, jaıaý burqasyn bolady. Jeldiń jyldamdyǵy sekýndyna 15-20 metrge jetedi. Túnde keı jerlerde jeldiń ekpini 23-28 m/s-qa deıin kúsheıedi.
Shyǵys Qazaqstan oblysynyń keı jerlerinde tuman túsip, kóktaıǵaq bolady. Kúndiz jel 15-20 m/s-qa deıin kúsheıedi.
Jambyl, Atyraý oblystarynyń keı jerlerinde tuman túsýi múmkin.
Batys Qazaqstan, Qostanaı, Pavlodar, Qaraǵandy oblystarynyń keı jerlerinde tuman túsip, kóktaıǵaq bolady, jel 15-20 m/s-qa deıin kúsheıedi.
Osyǵan deıin Astana men Aqmola oblysynda eskertý jarııalanǵandyǵyn habarlaǵan bolatynbyz.
