AÝA RAIY: Qazaqstannyń basym bóliginde burqasyn soǵyp, kóktaıǵaq bolady
ASTANA. QazAqparat - Búgin Respýblıkanyń kóptegen bólikterinde frontaldy bólikterdiń ótýine baılanysty keı jerlerde qar aralas jańbyr jaýady, kóbinese qar jaýady, burqasyn, tuman, kóktaıǵaq bolady, jel kúsheıdi.
Bul týraly QR ІІM baspasóz qyzmeti habarlady.
Aqmola oblysynyń keı jerlerinde túnde jaıaý burqasyn kútiledi.
Almaty, Qaraǵandy oblystarynyń keı jerlerinde túnde jáne tańerteń tuman bolady.
Aqtóbe, Qostanaı oblystarynyń keı jerlerinde tuman, kóktaıǵaq, burqasyn bolady, jel 17-22 m/s kúsheıedi.
Soltústik Qazaqstan oblysynyń keı jerlerinde jaıaý burqasyn bolady, túnde jáne tańerteń keı jerlerde tuman bolady, kúndiz jel soǵady, kúshi 15-20 m/s.
Atyraý, Mańǵystaý oblystarynyń keı jerlerinde jel 15-20 m/s-ǵa deıin kúsheıedi, Mańǵystaý oblysynyń jekelegen aýdandarynda ekpini 25 m/s bolady.
Qyzylorda oblysynda, túnde Ońtústik Qazaqstan oblysynyń keı jerlerinde tuman bolady, kúndiz keı jerlerde jel 15-20 m/s-ǵa deıin kúsheıedi.
Batys Qazaqstan oblysynyń keı jerlerinde jel 15-20 m/s-ǵa deıin kúsheıedi, túnde keı jerlerde kóktaıǵaq bolady.
