AÝA RAIY: Qazaqstannyń alty oblysynda eskertý jarııalandy
ASTANA. QazAqparat - «Qazgıdromet» RMK Almaty, Aqtóbe, Batys Qazaqstan, Jambyl, Ońtústik Qazaqstan oblystarynda eskertý jarııalady, dep habarlaıdy QazAqparat.
31 naýryzdan 6 sáýirge deıin Batys Qazaqstan jáne Aqtóbe oblystarynda kún jyly bolyp, qar men muzdyń erýine jáne jańbyr jaýýyna baılanysty ózenderdegi sý deńgeıi kóterilip, tasqyn bolý qaýpi artady.
2-6 sáýir kúnderi Qyzylorda, Ońtústik Qazaqstan, Jambyl, Almaty oblystarynda jáne Almaty qalasynda kún jyly bolyp, jańbyr jaýýyna baılanysty ózenderdegi sý deńgeıi kóterilýi múmkin.
Budan basqa, Shyǵys Qazaqstan oblysynda 31 naýryz kúni qar men jańbyr jaýyp, jel sekýndyna 15-20 metr jyldamdyqpen soǵady, keı jerlerde ekpini 23-28 m/s-qa jetedi. Keıbir aýdandarda boran soǵyp, kóktaıǵaq bolýy múmkin. Óskemende 31 naýryz jaýyn-shashyndy bolady, jeldiń jyldamdyǵy sekýndyna 15-20 metrge jetedi.
