Aýa raıy: Qazaqstanda shildeniń 30-y kúni jel kúsheıip, burshaq jaýady
ASTANA. QazAqparat - Atmosferalyq frontaldy bólikterdiń ótýine baılanysty shildeniń 30-y kúni Qazaqstannyń keıbir aımaqtarynda ótkinshi jaýyn jaýyp, naızaǵaı oınaıdy.
Burshaq jaýyp, jel kúsheıedi, ońtústikte ol shańdy daýylǵa ulasady. Túnde jáne tań ata soltústikte tuman túsýi múmkin. Bul týraly QazAqparat «Qazgıdromet» RMK-nyń málimetterine súıene otyryp habarlaıdy.
Aqmola, Soltústik Qazaqstan oblystarynyń birqatar aımaqtarynda naızaǵaı oınap, jel kúsheıedi, burshaq jaýýy múmkin. Jeldiń jyldamdyǵy sekýndyna 15-25 metrge jetedi. Túnde jáne tań ata keı jerlerge tuman túsedi.
Qostanaı oblysynyń keı jerlerinde jel kúsheıip, burshaq jaýýy yqtımal, jeldiń jyldamdyǵy sekýndyna 15-20 metr bolady.
Pavlodar oblysynda birqatar aımaqtarda naızaǵaı oınap, burshaq jaýýy múmkin, jeldiń jyldamdyǵy sekýndyna 18 metrge jetedi.
Qyzylorda oblysynyń birqatar aımaqtarynda jeldiń jyldamdyǵy sekýnyna 15-20 metrge jetip, sońy shańdy daýylǵa ulasady.
Jambyl oblysynda naızaǵaı oınaıdy, burshaq jaýýy da múmkin. Jeldiń jyldamdyǵy sekýndyna 15-20 metrge jetedi, shańdy daýyl turýy múmkin.
Aqtóbe, Batys Qazaqstan oblystarynda jel sekýndyna 15-20 metr deıin jyldamdyqpen uıtqıdy. Atyraý oblysynyń birqatar aımaqtarynda túnde naızaǵaı oınaıdy.
Mańǵystaý, Atyraý, Aqtóbe, Batys Qazaqstan oblystarynda aptap ystyq bolady.
Qyzylorda, Túrkistan oblystary men Aqtóbe, Atyraý, Batys Qazaqstan, Mańǵystaý, Qostanaı, Qaraǵandy, Jambyl, Almaty oblystarynda erekshe ystyq bolady jáne órt qaýpi týyndaıdy.
