Aýa raıy: Qazaqstanda búgin qar jaýyp, jel kúsheıedi
ASTANA. QazAqparat - Qazaqstan aýmaǵy boıynsha frontaldy bólikterdiń ótýine baılanysty aýa raıy qubylmaly bolady, dep habarlaıdy "Qazgıdromet" RMK.
Osyǵan baılanysty respýblıkanyń basym bóliginde jaýyn-shashyn bolyp, kúndiz ońtústik-shyǵysynda, shyǵysynda taýly aýmaqtarynda mol kólemde qar jaýady. Respýblıkanyń keı jerlerinde tuman, kóktaıǵaq, burqasyn bolyp, jel kúsheıedi.
Shyǵys Qazaqstan, Qaraǵandy, Aqmola, Túrkistan oblystarynyń keı jerlerinde tuman, burqasyn, kóktaıǵaq bolyp, jel 15-20 m/s jyldamdyqpen esedi. Shyǵys-Qazaqstan oblysynda kúndiz jeldiń ekpini 23 m/s bolýy yqtımal.
Almaty, Jambyl, Batys Qazaqstan oblystarynyń keı jerlerinde tuman túsip, kóktaıǵaq bolyp, jel sekýndyna 15-20 m/s jyldamdyqpen soǵady.
Soltústik-Qazaqstan, Pavlodar oblystarynyń keı jerlerinde tuman túsip, jel sekýndyna 15-20 km jyldamdyqpen uıtqıdy. Kúndiz Soltústik-Qazaqstan oblysynda jeldiń ekpini 25 m/s bolady.
Qostanaı oblysynyń keı jerlerinde jaıaý burqasyn bolyp, jeldiń kúshi sekýndyna 15-20 m/s-qa jetedi.
Mańǵystaý, Aqtobe oblystarynyń keı jerlerinde jeldiń jyldamdyǵy sekýndyna 15-20 metrge jetedi.
Qyzylorda, Atyraý oblystarynyń keı jerlerinde tuman túsedi.
