Aýa raıy: Elimizdiń eki oblysynda eskertý jarııalandy
ASTANA. QazAqparat - Aýa raıynyń kúrt qubylýyna baılanysty Qazaqstannyń eki oblysynda eskertý jarııalandy, dep habarlaıdy QazAqparat.
«27 naýryzda túnde, 28 naýryz kúndiz Batys Qazaqstan oblysynyń keı jerlerinde ońtústik-batystan soǵatyn jeldiń jyldamdyǵy 15-20 m/s deıin kúsheıip, jaýyn-shashyn, tuman, burqasyn, kóktaıǵaq kútiledi. Oral qalasynda ońtústik-batystan soǵatyn jeldiń ekpini 18 m/s-ǵa deıin kúsheıip, jaýyn-shashyn bolýy múmkin», - delingen «Qazgıdromet» RMK habarlamasynda.
Sondaı-aq kún raıynyń buzylýyna baılanysty Qostanaı oblysynda da eskertý jarııalandy. Erteń kúndiz Qostanaıdyń keı jerlerinde jeldiń kúshi 25 m/s-ǵa deıin jetedi. Kóktaıǵaq bolýy yqtımal.
