Aýa raıy: Elimizdiń basym bóliginde jaýyn jaýyp, jel kúsheıedi
ASTANA. QazAqparat - Qazaqstannyń basym bóliginde atmosferalyq frontaldy bólikterdiń ótýine baılanysty jaýyn jaýady, tek eldiń batysy men ońtústik-batysynda ǵana kún ashyq bolady, dep habarlaıdy «Qazgıdromet» RMK-sy.
Kásiporyn taratqan málimetterge qaraǵanda, sársenbi kúni keı jerlerde kún kúrkirep, burshaq jaýyp, jel kúsheıip, shańdy daýyl kóterilýi, tuman túsýi yqtımal.
Shyǵys Qazaqstan oblysynyń birqatar aımaqtarynda burshaq jaýýy múmkin. Sondaı-aq jel kúsheıip, túnde onyń jyldamdyǵy sekýndyna 15-20 metr, kúndiz 15-20, ekpini 23,28 metrge deıin barýy yqtımal.
Jambyl oblysynyń keı jerlerinde tuman túsip, kúndiz birqatar aımaqtarda burshaq jaýady. Jel sekýndyna 15-20 metrge deıin, ekpini 23-28 metrge deıin kúsheıedi.
Ońtústik Qazaqstan, Qyzylorda oblystarynyń birqatar aımaqtarynda jel sekýndyna 15-20 metrge deıin kúsheıip, shańdy daýyl kóteriledi. Ońtústik Qazaqstan oblysynda kúndiz jeldiń ekpini sekýndyna 23 metrge jetedi.
Pavlodar, Soltústik Qazaqstan oblystarynda jel sekýndyna 15-20 metrge deıin kúsheıedi. Ekpini keı jerlerde 23-28 metrge deıin barady.
Aqmola oblysynda jel túnde kúsheıip, jyldamdyǵy sekýndyna 15-20 metrge deıin barady, ekpini 23-28 metrge jetedi. Kúndiz keı jerlerde jel sekýndyna 15-20 metr jyldamdyqpen uıtqysa, túnde jáne tań ata tuman túsedi.
Almaty oblysynda keı jerlerde jeldiń kúshi sekýndyna 18-23 metrge jetedi, kúndiz burshaq jaýýy yqtımal.
Qostanaı, Qaraǵandy oblystarynyń birqatar aımaqtarynda jeldiń jyldamdyǵy sekýndyna 15-20 metrge jetedi. Qostanaı oblysynda túnde tuman túsedi. Aqtóbe oblysynyń keı jerlerinde jel sekýndyna 18 metr bolady. Kúndiz Atyraý oblysynyń birqatar aımaqtarynda kún qatty ysıdy.
