Aýa raıy: Eldiń basym bóliginde qubylmaly kún raıy saqtalady

Keı jerlerde jańbyr jaýyp, naızaǵaı oınaıdy, jel kúsheıedi. Túnde soltústik aımaqtardyń jekelegen jerlerinde úsik kútiledi. Respýblıkanyń  tek ońtústik jáne ońtústik-shyǵysynda aýa raı jaýyn-shashynsyz bolady, dep habarlaıdy QazAqparat «Qazgıdromet» RMK-ǵa silteme jasap.

Atap aıtqanda, Aqmola oblysynyń keı jerlerinde jel 15-20 m/s kúsheıip, túnde 2 gradýsqa deıin úsik kútiledi.

Qostanaı, Soltústik Qazaqstan  oblystarynyń keı jerlerinde túnde 2-3 gradýsqa deıin úsik kútiledi, kúndiz naızaǵaı oınap, jeldiń ekpini 15-20 m/s artady.

Batys Qazaqstan oblysynyń keı jerlerinde, Almaty oblysynyń Jalańashkól aýdanynda jeldiń kúshi 15-23 m/s bolady.

Qaraǵandy oblysynda, kúndiz Jambyl, Ońtústik Qazaqstan, Mańǵystaý, Shyǵys Qazaqstan oblystarynyń jekelegen aýmaqtarynda naızaǵaı oınap, 15-20 m/s jyldamdyqta jel soǵady.

Atyraý oblysynyń keı jerlerinde naızaǵaı bolady.