Aýa raıy: Dúısenbide Qazaqstanda boran, tuman, kóktaıǵaq kútiledi
ASTANA. QazAqparat - 4 naýryzda Qazaqstannyń basym bóliginde atmosferalyq aǵyndardyń ótýine baılanysty aýa raıy qubylmaly bolady, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, dúısenbide elismizdiń basym bóliginde jaýyn-shashyn jaýady, ońtústiktegi taýly óńirlerde kúndiz nóser jańbyr jaýýy yqtımal. Keı jerlerde tuman túsip, kóktaıǵaq bolady, jel kúsheıip, burqasyn soǵýy yqtımal.
Aqmola, Soltústik Qazaqstan, Pavlodar oblystarynda jel 15-20, keı jerlerde ekpini 23-28 m/s jetedi, keı jerlerde - burqasyn soǵady, tuman, kóktaıǵaq kútiledi.
Qostanaı, Qaraǵandy oblystarynda keı jerlerde burqasyn, kóktaıǵaq bolady, jel 15-20 m/s, Qaraǵandy oblysynyń keı jerlerinde tuman kútiledi, Qostanaı oblysynda keı jerlerde jel 23 m/s kúsheıedi.
Túrkistan, Jambyl oblystarynyń keı jerlerinde tuman kútiledi, jel 15-20 m/s, ekpini 25 m/s kúsheıedi. Almaty oblysynyń keı jerlerinde tuman kútiledi, Jalańashkól aýdanynda jel 15-20 m/s kúsheıedi.
Batys Qazaqstan, Aqtóbe oblystarynyń keı jerlerinde burqasyn, jel 15-20 m/s kútiledi.
Qyzylorda oblysynyń keı jerlerinde tuman, kóktaıǵaq kútiledi, jel 15-20 m/s kúsheıedi.
Mańǵystaý oblysynyń keı jerlerinde tuman kútiledi. Kúndiz Atyraý oblysynda jel 15-20 m/s kúsheıedi.
