Aýa raıy: Dúısenbide elimizdiń basym bóliginde jańbyr jaýady
NUR-SULTAN. QazAqparat – Dúısenbi, 19 tamyzda elimizdiń basym bóliginde jańbyr jaýady, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, dúısenbi atmosferalyq aǵyndar bóliginiń ótýine baılanysty elimizdiń soltústik, ortalyq, shyǵys jáne ońtústik shyǵysynyń keı jerlerinde naızaǵaıly jańbyr jaýady. Keı jerlerde jel kúsheıedi, ońtústikte shańdy daýyl soǵady, daýyl kútiledi, respýblıkanyń soltústiginiń keı jerlerinde burshaq jaýýy yqtımal, túnde jáne tańerteń tuman túsýi múmkin.
Aqmola oblysynyń keı jerlerinde naızaǵaı kútiledi, kúndiz jel 15-20 m/s kúsheıedi, daýyl, burshaq jaýýy múmkin.
Almaty oblysynyń keı jerlerinde naızaǵaı kútiledi, jel 15-20 m/s kúsheıedi, tańerteń – tuman.
Soltústik Qazaqstan oblysynyń keı jerlerinde naızaǵaı, burshaq, túnde jáne tańerteń tuman kútiledi.
Shyǵys Qazaqstan, kúndiz Pavlodar oblystarynyń keı jerlerinde naızaǵaı kútiledi, jel 15-20 m/s kúsheıedi.
Qostanaı, Qaraǵandy oblystarynyń keı jerlerinde kúndiz naızaǵaı kútiledi.
Qyzylorda, kúndiz Túrkistan, Jambyl oblystarynyń keı jerlerinde jel 15-20 m/s kúsheıedi, Qyzylorda oblysynda – shańdy daýyl soǵady.
Kúndiz Batys Qazaqstan, Atyraý, Aqtóbe oblystarynda, Qostanaı oblysynyń keı jerlerinde qatty ystyq kútiledi.
Qyzylorda, Túrkistan oblystarynda, Qaraǵandy oblysynyń basym bóliginde, Jambyl, Shyǵys Qazaqstan oblystarynyń keı jerlerinde, Aqtóbe, Pavlodar oblystarynyń ońtústik bóliginde óte joǵary órt qaýipi saqtalady.
