AÝA RAIY: Búgin Respýblıkanyń basym bóliginde tuman túsip, keı jerlerde kóktaıǵaq bolady
ASTANA. QazAqparat - Búgin Qazaqstannyń basym bóliginde atmosferalyq fronttardyń ótýine baılanysty keı jerlerde qar aralas jańbyr jaýyp, tuman túsedi, kóktaıǵaq bolyp, jeldiń kúsheıýi kútiledi. Tek respýblıkanyń soltústigi men soltústik-batysynda aýaraıy jaýyn-shashynsyz bolady.
Bul týraly QR ІІM TJK baspasóz qyzmeti habarlady.
Aqmola, Qostanaı, Pavlodar, Qaraǵandy, túnde jáne tańerteń Soltústik Qazaqstan oblystarynyń keı jerlerinde tuman kútiledi.
Jambyl, Qyzylorda, Shyǵys Qazaqstan oblystarynyń keı jerlerinde tuman túsip, kóktaıǵaq bolady.
Batys Qazaqstan oblysynyń keı jerlerinde jel 15-20 m/s-ǵa deıin kúsheıip, tuman, kóktaıǵaq bolady.
Ońtústik Qazaqstan oblysynyń keı jerlerinde jel 15-20 m/s-ǵa deıin kúsheıip, tuman kútiledi.
Kúndiz Atyraý oblysynyń keı jerlerinde jel soǵady, kúshi 15-20 m/s.
Mańǵystaý oblysynyń túnde keı jerlerinde kóktaıǵaq kútiledi.
