Aýa raıy: Búgin respýblıkanyń basym bóliginde kún ashyq bolady
NUR-SULTAN. QazAqparat – Joǵary atmosferalyq qysym men ońtústikten keletin qurǵaq tsıklonnyń yqpalynan Qazaqstannyń basym bóliginde 10 tamyz kúni kún ashyq bolady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan málimetterge qaraǵanda, 10 tamyz kúni eldiń tek soltústigi, shyǵysy, ońtústik-shyǵysy men batysy ǵana Máskeýden keletin tsıklonnyń yqpalynda bolady. Sonyń saldarynan jaýyn jaýyp, naızaǵaı oınaıdy. Soltústik jáne soltústik-shyǵysta jel kúsheıip, túnde tuman túsip, ońtústikte shańdy daýyl kóteriledi.
Almaty, Jambyl, Túrkistan, Shyǵys Qazaqstan, kúndiz Qyzylorda, Atyraý, Batys Qazaqstan, Qostanaı oblystarynyń keı jerlerinde jeldiń jyldamdyǵy sekýndyna 15-20 metrge kúsheıedi.
Almaty, Túrkistan, Qyzylorda oblystarynda shańdy daýyl soǵady.
Soltústik Qazaqstan oblysynyń keı jerlerinde kúndiz jeldiń jyldamdyǵy sekýndyna 15-20 metrge jetip, daýyl turýy da múmkin.
Pavlodar oblysynyń keı jerlerinde túnde tuman túsedi.
Kúndiz Almaty, Atyraý oblystarynda jáne Batys Qazaqstan, Qostanaı oblystarynyń keı jerlerinde aptap ystyq bolady.
Qyzylorda, Túrkistan, Jambyl, Almaty oblystarynyń keı jerlerinde jáne Qaraǵandy, Aqtóbe, Shyǵys Qazaqstan, Aqmola oblystarynda óte joǵary órt qaýipi saqtalady.
