AÝA RAIY: Búgin Respýblıkamyzdyń basym bóliginde jańbyr jaýady, jel kúsheıip, burshaq túsedi
ASTANA. QazAqparat - Búgin atmosferalyq frontaldy bólikterdiń ótýine baılanysty respýblıkamyzdyń basym bóliginde jańbyr jaýady, naızaǵaı bolyp, jel kúsheıedi, keı jerlerinde burshaq bolýy yqtımal. Tek batys jáne ońtústikte jaýyn-shashynsyz aýa raıy saqtalady.
Bul týraly QR ІІM TJK baspasóz qyzmeti habarlaıdy.
Aqmola, Qostanaı oblystarynyń keı jerlerinde tuman bolady, jeldiń jyldamdyǵy 15-20 m/s-ǵa deıin kúsheıedi, burshaq bolýy yqtımal.
Almaty, Shyǵys Qazaqstan oblystarynyń keı jerlerinde jeldiń jyldamdyǵy 15-22 m/s-ǵa deıin kúsheıedi, burshaq bolýy yqtımal.
Soltústik Qazaqstan, Pavlodar, Qaraǵandy oblystarynyń keı jerlerinde tuman kútiledi, Pavlodar oblysynda, kúndiz Qaraǵandy oblysynda jeldiń jyldamdyǵy 15-20 m/s-ǵa deıin kúsheıedi.
Kúndiz Jambyl oblysynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
Mańǵystaý, Atyraý, Batys Qazaqstan oblystarynda, Aqtóbe, Almaty oblystarynyń keı jerlerinde qatty ystyq kútiledi.
Qyzylorda, Ońtústik Qazaqstan oblystarynda, Jambyl, Qaraǵandy, Atyraý, Batys Qazaqstan, Aqtóbe oblystarynyń keı jerlerinde óte joǵary órt qaýpi saqtalady.
