AÝA RAIY: Búgin ortalyqta, soltústik-batysta jáne soltústikte topyraq betinde úsik júredi
ASTANA. QazAqparat - Búgin Qazaqstannyń basym bóliginde jaýyn-shashynsyz aýa raıy kútiledi, tek ońtústik-shyǵysta, soltústik-shyǵysta jáne shyǵysta atmosferalyq frontaldy bólikterdiń ótýine baılanysty keı jerlerinde ótkinshi jańbyr jaýady, naızaǵaı bolady. Ortalyqta, soltústik-batysta jáne soltústikte topyraq betinde úsik júredi. Soltústikte jáne ortalyqta keı jerlerinde tuman kútiledi. Keı jerlerinde jel kúsheıedi, ońtústikte shańdy daýyl bolady.
Bul týraly QR ІІM TJK baspasóz qyzmeti habarlaıdy.
Túnde Aqmola oblysynda, túnde jáne tańerteń Soltústik Qazaqstan oblysynyń keı jerlerinde tuman kútiledi, jel 15-20 m/s-ǵa deıin kúsheıedi.
Qaraǵandy oblysynyń keı jerlerinde túnde jáne tańerteń tuman kútiledi.
Shyǵys Qazaqstan oblysynda, túnde Pavlodar oblysynyń keı jerlerinde jel 15-20 m/s-ǵa deıin kúsheıedi, naızaǵaı bolady.
Almaty oblysynyń taýly aýdandarynda naızaǵaı kútiledi, kúndiz jel 15-20 m/s-ǵa deıin kúsheıedi.
Qyzylorda, Jambyl oblystarynda, tańerteń jáne kúndiz Ońtústik Qazaqstan oblysynda jeldiń jyldamdyǵy 15-20 m/s-ǵa deıin kúsheıedi, shańdy daýyl bolady.
Kúndiz Mańǵystaý, Atyraý, Batys Qazaqstan, Qostanaı oblystarynda jel 15-20 m/s-ǵa deıin kúsheıedi.
Kúndiz Almaty oblysynda qatty ystyq kútiledi.
Batys Qazaqstan, Atyraý, Aqtóbe, Qyzylorda, Ońtústik Qazaqstan, Almaty oblystarynda, Qaraǵandy oblysynyń basym bóliginde, Shyǵys Qazaqstan, Aqmola, Qostanaı oblystarynyń keı jerlerinde óte joǵary órt qaýpi saqtalady.
