AÝA RAIY: Búgin Qazaqstannyń basym bóliginde jaýyn jaýyp, burshaq túsedi
ASTANA. QazAqparat - Búgin Qazaqstan aımaqtarynyń basym bóliginde atmosferalyq frontaldy bólikterdiń ótýine baılanysty jańbyr jaýady, naızaǵaı oınaıdy, jekelegen aýdandarynda burshaq jaýýy yqtımal. Keı jerlerde jel kúsheıýi saqtalady. Tek Respýblıkamyzdyń batysynda aýa raıy jaýyn-shashynsyz bolady.
Bul týraly QR ІІM TJK baspasóz qyzmeti habarlaıdy.
Kúndiz Qyzylorda, túnde Mańǵystaý oblystarynyń keı jerlerinde naızaǵaı kútiledi.
Qaraǵandy, Shyǵys Qazaqstan, tańerteń jáne kúndiz Jambyl oblystarynyń keı jerlerinde naızaǵaı kútiledi, jeldiń jyldamdyǵy 15-20 m/s-ǵa deıin kúsheıedi, burshaq jaýýy yqtıamal.
Aqmola, Soltústik Qazaqstan oblystarynyń keı jerlerinde naızaǵaı kútiledi, túnde jáne tańerteń tuman, kúndiz burshaq jaýýy yqtıamal.
Aqtóbe, Qostanaı, Pavlodar, Almaty oblystarynda, tańerteń jáne kúndiz Ońtústik Qazaqstan oblystarynyń keı jerlerinde naızaǵaı kútiledi, jeldiń jyldamdyǵy 15-20 m/s-ǵa deıin kúsheıedi.
Atyraý oblysynda, Qyzylorda oblysynyń keı jerlerinde óte joǵary órt qaýpi saqtalady.
