Aýa raıy: Búgin Qazaqstannyń basym bóliginde jaýyn jaýady
ASTANA. QazAqparat - Búgin Qazaqstannyń basym bóliginde jaýyn jaýady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan málimetterge qaraǵanda, Qazaqstannyń basym aýmaǵynda atmosferalyq frontaldy bólikterdiń ótýine baılanysty jaýyn-shashyn bolady. Eldiń ońtústik-shyǵysynda jaýyn kóp mólsherde jaýady. Respýblıkanyń keı jerlerinde tuman túsip, jel kúsheıip, ońtústikte jáne ońtústik-shyǵysta naızaǵaı oınap, burshaq jaýýy múmkin.
Soltústik Qazaqstan oblysynyń keı jerlerinde tuman túsip, kóktaıǵaq bolady. Jeldiń jyldamdyǵy sekýndyna 15-20 metrge jetip, ekpini 23-28 m/s bolady.
Pavlodar, Qaraǵandy, Qostanaı oblystarynyń keı jerlerinde tuman túsip, jeldiń jyldamdyǵy 15-20 m/s-qa jetedi.
Almaty, Túrkistan oblystarynyń keı jerlerinde jel 15-20 m/s jyldamdyqpen uıtqıdy.
Aqmola oblysynyń keı jerlerinde tuman túsip, kúndiz jel 15-20 m/s-qa deıin kúsheıedi.
Atyraý oblysynyń birqatar aýmaqtarynda tuman túsip, túnde jeldiń kúshi 15-20 m/s-qa barady.
Shyǵys-Qazaqstan oblysynda túnde jáne tańerteń keı jerlerde tuman túsip, kúndiz keı jerlerinde jel 15-20 m/s jyldamdyqpen uıtqıdy.
Jambyl, Qyzylorda, Batys Qazaqstan, Mańǵystaý oblystarynyń keı jerlerinde tuman túsýi yqtımal.
