AÝA RAIY: Búgin Qazaqstannyń basym bóliginde jaýyn-shashyn saqtalady
ASTANA. QazAqparat - Búgin Qazaqstannyń basym bóliginen atmosferalyq frontaldy bólikterdiń ótýine baılanysty eldiń soltústiginde, shyǵysynda jáne Respýblıkanyń ortalyǵynda jaýyn-shashyn saqtalady, qalǵan aýmaqtarynda aýa raıy jaýyn-shashynsyz bolady. Respýblıkamyzdyń keı jerlerinde tuman bolady, jel kúsheıedi, kúndiz burshaq bolýy yqtımal.
Bul týraly QR ІІM TJK baspasóz qyzmeti habarlady.
Qostanaı, Qaraǵandy, kúndiz Shyǵys Qazaqstan, Qyzylorda, Batys Qazaqstan, Mańǵystaý oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıýi yqtımal.
Aqmola, Soltústik Qazaqstan oblystarynyń keı jerlerinde tuman kútiledi, jeldiń jyldamdyǵy 15-20 m/s-ǵa deıin kúsheıedi, kúndiz burshaq jaýýy yqtımal.
Aqtóbe oblysynyń keı jerlerinde tuman kútiledi. Pavlodar oblysynyń keı jerlerinde jeldiń jyldamdyǵy 15-20 m/s-ǵa deıin kúsheıedi, burshaq jaýýy yqtımal.
Mańǵystaý oblysynyń keı jerlerinde qatty ystyq kútiledi.
Atyraý, Qyzylorda oblystarynyń keı jerlerinde óte joǵary órt qaýipi saqtalady.
