Aýa raıy: Búgin Qazaqstannyń basym bóliginde kún ashyq bolady
NUR-SULTAN. QazAqparat – Qazaqstanǵa tamyzdyń 8-i kúni ońtústikten qurǵaq tsıklon keledi jáne aýa raıyna joǵary atmosferalyk kysym áser etedi. Sonyń saldarynan elimizdiń basym bóliginde kún jaýyn-shashynsyz bolady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan derekterge qaraǵanda, respýblıkanyń soltústiginde, soltústik-batysyńda jáne ortalyǵynda Mýrmansk aýdanynan kelgen soltústik-batys tsıklonynyń áserinen keı jerlerde ǵana jańbyr jaýyp, naızaǵaı bolady.
Birqatar aýmaqtarda jel kúsheıip, daýyl soǵyp, shańdy daýyl kóterilip, soltústik óńirdiń keı jerlerinde burshaq jaýýy múmkin. Túnde jáne tańerteń keı jerlerge tuman túsedi.
Soltústik Qazaqstan oblysynyń birqatar aýmaqtarynda túnde jáne tańerteń tuman túsip, taǵy birqatar óńirlerinde kúndiz daýyl turady, jeldiń jyldamdyǵy sekýndyna 15-20 metrge jetedi. Burshaq jaýýy da múmkin.
Jambyl, Pavlodar, Qaraǵandy, Qostanaı, kúndiz Shyǵys Qazaqstan oblystarynyń keı jerlerinde jel sekýndyna 15-20 metr jyldamdyqpen esedi.
Jambyl oblysynyń keı jerlerinde shańdy daýyl kóteriledi.
Túrkistan oblysynyń birqatar aýmaqtarynda shańdy daýyl turyp, jeldiń jyldamdyǵy sekýndyna 15-20 metrge jetedi. Ekpini 23 m/s bolady.
Qyzylorda oblysynyń keı jerlerinde shańdy daýyl turyp, jel 15-20 m/s jyldamdyqpen soǵady, kúndiz ekpini 25 m/s bolady.
Kúndiz Almaty, Jambyl oblystarynda, Shyǵys Qazaqstan oblysynyń keı jerlerinde aptap ystyq kútiledi. Kúndiz Almaty oblysynyń keı jerlerinde óte qatty ystyq bolady.
Qyzylorda, Túrkistan, Jambyl, Almaty, Qaraǵandy oblystarynda, Aqtóbe, Shyǵys Qazaqstan, Aqmola oblystarynyń keı jerlerinde órt qaýipi saqtalady.
