Aýa raıy: Búgin elimizdiń soltústigi men ońtústik-shyǵysynda jańbyr jaýady
ASTANA. QazAqparat - 25 shilde kúni Qazaqstannyń soltústik, shyǵys, ońtústik-shyǵys jáne ortalyǵynda turaqsyz aýa raıy saqtalady, keı jerlerde ótkinshi jańbyr jaýyp, naızaǵaı bolady, dep habarlaıdy «Qazgıdromet».
Elimizdiń shyǵysynyń keı jerlerinde qatty jańbyr jaýady, jel kúsheıedi, qalǵan terrıtorııalarynda jaýyn-shashynsyz bolady. Soltústiginde keı jerlerde tuman kútiledi. Aqmola, Pavlodar, Qaraǵandy, kúndiz Jambyl, Shyǵys Qazaqstan oblystarynyń keı jerlerinde jel 15-20 m/s kúsheıedi. Soltústik Qazaqstan oblysynda túnde jáne tańerteń keı jerlerinde tuman kútiledi. Kúndiz Jambyl, Atyraý, Shyǵys Qazaqstan oblystarynda, Almaty, Mańǵystaý, Aqtóbe, Qaraǵandy oblystarynyń keı jerlerinde qatty ystyq kútiledi. Qyzylorda, Jambyl, Ońtústik Qazaqstan, oblystarynyń basym bóliginde, Almaty, Qaraǵandy, Shyǵys Qazaqstan oblystarynyń keı jerlerinde óte joǵary órt qaýpi saqtalady.
