AÝA RAIY: Búgin elimizdiń ońtústik óńirinde shańdy daýyl soǵyp, soltústiginde qatqaq bolady
ASTANA. QazAqparat - Búgin Respýblıkanyń basym bóliginde aýa raıy jaýyn-shashynsyz bolady. Tek elimizdiń batysynda, soltústik-batysynda atmosferalyq frontaldy bólikterdiń ótýine baılanysty jańbyr saqtalady, keı jerlerde qatty jańbyr jaýady, naızaǵaı oınaıdy. Keı jerlerde tuman bolyp, jeldiń kúsheıýi kútiledi.
Bul týraly QR ІІM TJK baspasóz qyzmeti habarlaıdy.
Jambyl oblysynyń keı jerlerinde jeldiń jyldamdyǵy 19-24 m/s bolady, túnde keı jerlerde tuman baıqalady.
Ońtústik Qazaqstan, Qyzylorda oblystarynyń keı jerlerinde shańdy daýyl soǵady, jel 15-20 m/s-ǵa deıin kúsheıedi.
Qyzylorda oblysynda kúndiz jeldiń ekpini 25 m/s shamasynda kútiledi.
Mańǵystaý, Atyraý, Batys Qazaqstan, Aqtóbe oblystarynyń keı jerlerinde jeldiń kúshi 15-20 m/s-ǵa jetedi.
Túnde Shyǵys Qazaqstan, Aqmola oblystarynda 1-3 gradýsqa deıin úsik saqtalady.
