AÝA RAIY: Búgin elimizdiń ońtústiginde jáne ońtústik shyǵysynda kún qatty ysıdy
ASTANA. QazAqparat - Búgin Qazaqstan terrıtorııasynyń basym bóliginde atmosferalyq frontaldy bólikterdiń ótýine baılanysty naızaǵaı oınap, jańbyr jaýady, jel kúsheıedi, shyǵysta kúndiz burshaq jaýýy yqtımal. Respýblıkanyń soltústiginiń keı jerlerinde tuman túsedi. Tek respýblıkanyń batysy jáne ońtústik-shyǵysynda aýa raıy jaýyn-shashynsyz, ońtústik, ońtústik-shyǵysynda qatty ystyq kútiledi.
Bul týraly QR ІІM TJK baspasóz qyzmeti habarlaıdy.
Aqmola, Qyzylorda, Qostanaı, Soltústik Qazaqstan, Pavlodar, Qaraǵandy, kúndiz Jambyl, Ońtústik Qazaqstan, Mańǵystaý oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi, túnde jáne tańerten Soltústik Qazaqstan oblysynyń keı jerlerinde tuman bolady. Shyǵys Qazaqstan oblysynyń keı jerlerinde jel 15-20 m/s-ǵa deıin kúsheıedi, kúndiz burshaq bolýy yqtımal.
Kúndiz Almaty oblysynyń keı jerlerinde óte qatty ystyq bolady. Jambyl, Ońtústik Qazaqstan oblystarynda qatty ystyq saqtalady. Kúndiz Aqmola, Qaraǵandy oblystarynyń keı jerlerinde qatty ystyq kútiledi.
