AÝA RAIY: Búgin elimizdiń keı jerinde burqasyn soqsa, keı jerinde tuman túsip, kóktaıǵaq bolady
ASTANA. QazAqparat - Búgin Qazaqstannyń basym bóliginde aýa raıy jaýyn shashynsyz bolady, tek respýblıkanyń batys, soltústik-batys jáne shyǵys aımaqtarynda atmosferalyq fronttardyń ótýine baılanysty keı jerlerinde qar jaýady, burqasyn bolady. Keı jerlerinde tuman, kóktaıǵaq bolady, jel kúsheıedi.
Bul týraly QR ІІM TJK baspasóz qyzmeti habarlady.
Qostanaı, Shyǵys Qazaqstan oblystarynyń keı jerlerinde jaıaý burqasyn bolady, jeldiń kúshi 15-20 m/s-ǵa deıin kúsheıedi.
Almaty, Ońtústik Qazaqstan, Soltústik Qazaqstan, Pavlodar, Qaraǵandy oblystarynyń keı jerlerinde tuman kútiledi.
Qyzylorda, Mańǵystaý oblystarynda keı jerlerde jel 15-20 m/s-ǵa deıin kúsheıedi.
Jambyl oblysynyń keı jerlerinde tuman túsip, kúndiz jeldiń kúshi 15-20 m/s bolady.
Aqtóbe oblysynyń keı jerlerinde tuman bolady, jel 15-20, ekpini 25 m/s-ǵa deıin kúsheıedi.
Batys Qazaqstan oblysynyń keı jerlerinde jel 17-22 m/s-ǵa deıin kúsheıedi, kúndiz keı jerlerinde tuman túsip, kóktaıǵaq baıqalady, burqasyn bolady.
Atyraý oblysynda jeldiń ekpini 18-23 m/s bolady.
