AÝA RAIY: Búgin elimizdiń keı óńirlerinde jel kúsheıip, burshaq jaýýy yqtımal
ASTANA. QazAqparat - Búgin Qazaqstannyń kóptegen bóliginde atmosferalyq frontaldy bólikterdiń ótýine baılanysty turaqsyz aýa raıy kútiledi, keı jerlerde naızaǵaı oınap, jańbyr jaýyp, jel kúsheıedi, jekelengen aýdandarda burshaq jaýýy yqtımal. Tek respýblıkanyń soltústigi men ortalyǵynda jaýyn-shashynsyz aýa raıy kútiledi.
Bul týraly QR ІІM TJK baspasóz qyzmeti habarlaıdy. Jambyl oblysynyń keı jerlerinde jel 15-20 m/s-ǵa deıin kúsheıip, burshaq jaýýy múmkin.
Ońtústik Qazaqstan, kúndiz Atyraý, Batys Qazaqstan, Shyǵys Qazaqstan, Qaraǵandy oblystarynyń keı jerlerinde jel 15-20 m/s-ǵa deıin kúsheıedi. Qostanaı oblysynyń keı jerinde jel 15-20 m/s-ǵa deıin kúsheıip, túnde jáne tańerteń tuman bolady.
Atyraý oblysynyń basym bóliginde, Batys Qazaqstan oblysynyń keı jerlerinde óte qatty ystyq saqtalady.
Mańǵystaý, Aqtóbe oblystarynyń basym bóliginde, Shyǵys Qazaqstan, Qostanaı, Qaraǵandy oblystarynyń keı jerlerinde qatty ystyq kútiledi.
Atyraý, Aqtóbe, Qyzylorda oblystarynyń basym bóliginde, Ońtústik Qazaqstan, Batys Qazaqstan, Almaty, Jambyl, Shyǵys Qazaqstan oblystarynyń keı jerlerinde óte joǵary órt qaýpi saqtalady.
