Aýa raıy: Búgin elimizdiń keı oblystarynda burshaq jaýady
ASTANA. QazAqparat - 13 tamyzda Qazaqstannyń keı jerlerinde naızaǵaıly jańbyr jaýyp, kúndiz burshaq bolýy yqtımal, jel kúsheıedi. Respýblıkanyń soltústiginde túnde jáne tańerteń keı jerlerinde tuman baıqalady, dep habarlaıdy «Qazgıdromet» RMK.
Tek respýblıkanyń batysynda jaýyn-shashynsyz aýa raıy saqtalady. Pavlodar, Qostanaı, Shyǵys Qazaqstan, kúndiz Jambyl oblystarynyń keı jerlerinde jel 15-20 m/s kúsheıedi. Aqmola, Soltústik Qazaqstan oblystarynyń túnde jáne tańerteń keı jerlerinde tuman baqylanady, burshaq jaýýy yqtımal. Aqmola oblysynda keı jerlerinde jel 15-20 m/s kúsheıedi. Qaraǵandy oblysynyń keı jerlerinde jel 15-20 m/s kúsheıedi, burshaq jaýýy yqtımal. Almaty, Ońtústik Qazaqstan oblystarynyń kúndiz keı jerlerinde shańdy daýyl bolyp, jel 15-20 m/s kúsheıedi. Atyraý, Aqtóbe, Qyzylorda, Ońtústik Qazaqstan, Jambyl, Almaty oblystarynyń basym bólikterinde, Qaraǵandy, Batys Qazaqstan, Shyǵys Qazaqstan oblystarynyń keı jerlerinde óte joǵary órt qaýpi saqtalady.
