AÝA RAIY: Búgin elimizdiń basym bóliginde jel turady, keı jerlerde jaýyn-shashyn túsedi
ASTANA. QazAqparat - Búgin Qazaqstan aýmaǵynyń kóptegen bóligi arqyly atmosferalyq frontaldy bólikterdiń ótýine baılanysty keı jerlerde jaýyn-shashyn saqtalady, jel kúsheıedi, tuman bolady. Tek Respýblıkanyń batys jáne ońtústik-shyǵysynda aýa raıy jaýyn-shashynsyz bolady.
Bul týraly QR ІІM TJK baspasóz qyzmeti habarlady.
Soltústik Qazaqstan oblysynyń keı jerlerinde tuman, kóktaıǵaq kútilip, jel 15-20, keı jerlerde ekpini 23 m/s-ǵa deıin kúsheıedi.
Pavlodar, Qaraǵandy oblystarynda túnde keı jerlerde, kúndiz kóp bóliginde jeldiń kúshi 15-22 m/s-ǵa deıin jetedi.
Qostanaı oblysynyń keı jerlerinde jaıaý burqasyn, kóktaıǵaq kútilip, jel 15-22 m/s-ǵa deıin kúsheıedi.
Aqtóbe oblysynda jel soǵady, kúshi 15-20 m/s.
Jambyl oblysynyń keı jerlerinde jeldiń 16-21 m/s-ǵa deıin kúsheıýi kútiledi, túnde keı jerlerde tuman bolady.
Aqmola, Qyzylorda, Atyraý, Batys Qazaqstan oblystarynda, kúndiz Shyǵys Qazaqstan, Ońtústik Qazaqstan oblystarynyń keı jerlerinde jel 15-20 m/s kúsheıedi.
