AÝA RAIY: Búgin elimizdiń basym bóliginde jel soǵyp, jańbyr jaýady
ASTANA. QazAqparat - Búgin Qazaqstan aýmaǵynyń basym bóliginde atmosferalyq frontaldy bólikterdiń ótýine baılanysty jaýyn-shashyn saqtalady, tek batysta jáne ońtústik-batysta aýa raıy jaýyn-shashynsyz. Respýblıkanyń keı jerlerinde tuman túsip, jel kúsheıedi, ońtústik-shyǵysta naızaǵaı bolady.
Bul týraly QR ІІM TJK baspasóz qyzmeti habarlady.
Aqmola, Soltústik Qazaqstan oblystarynyń keı jerlerinde tuman túsip, kóktaıǵaq bolyp, jeldiń jyldamdyǵy 15-20 m/s-ǵa jetpek.
Qostanaı, Qaraǵandy oblystarynyń keı jerlerinde tuman kútiledi, jeldiń jyldamdyǵy 15-20 m/s.
Mańǵystaý, Batys Qazaqstan, Aqtóbe, túnde Ońtústik Qazaqstan, Pavlodar, Shyǵys Qazaqstan oblystarynyń keı jerlerinde tuman kútiledi.
Jambyl oblysynyń keı jerlerinde tuman túsip, naızaǵaı oınap, jel 15-20 m/s jyldamdyqpen soǵady.
Qyzylorda oblysynyń keı jerlerinde jel 15-20 m/s-ǵa deıin kúsheıedi.
